Маулен Ашимбаев: поддержка людей с инвалидностью является приоритетом Главы государства

Бүгін бочча спортынан еліміздегі алғашқы жаттықтырушы Сұлтанбек Орынбасаровты еске алуға арналған ашық республикалық турнир мәресіне жетті. Жеңімпаздарды салтанатты марапаттау рәсімі Астанадағы жаңа Инклюзивті спорт орталығында өтті. Іс-шараға Парламент Сенатының Төрағасы, Қазақстан бочча федерациясының Президенті Мәулен Әшімбаев қатысты. Дәстүрлі спорттық жарыс аясында алғаш рет өнер жұлдыздары мен белгілі тұлғалардың қатысуымен арнайы турнир де ұйымдастырылды.

Мәулен Әшімбаев параспортшыларға ілтипат білдіріп, алғашқы жаттықтырушы Сұлтанбек Орынбасаровтың елімізде паралимпиадалық боччаның қалыптасуына қосқан үлесіне тоқталды. Сұлтанбек Орынбасаров мүмкіндігі шектеулі жастардың әлеуетіне сеніп, оларға үлкен спортқа жол ашып берген еді. Қазақстан бочча федерациясының Президенті инклюзивті қоғам құру бағытындағы жұмысты одан әрі жалғастырудың маңызына назар аударып, бұл мәселеге Мемлекет басшысы Қасым-Жомарт Тоқаевтың баса мән беріп отырғанын айтты.

« Президентіміз Қасым-Жомарт Кемелұлы Тоқаев спортты дамытуға әрдайым ерекше көңіл бөліп, оның қоғам үшін мәні жоғары екенін үнемі айтып келеді. Әр азаматқа тең мүмкіндік беретін қоғам құрудың маңызы да Мемлекет басшысының басты назарында. Бұл қағида жаңа Конституция жобасында да ерекше мәнге ие. Бүгінде Президентіміздің қолдауының арқасында Қазақстанда параспорт қарқынды дамып, ерік-жігер мен өз мүмкіндігіне деген сенімнің символына айналып отыр. Сондықтан ерекше қажеттілігі бар спортшыларға тиісті жағдай жасалып, бұл бағыттағы жұмыс жүйелі түрде жалғаса береді », – деді Сенат Төрағасы.

Сондай-ақ Федерация Президенті бүгінде Қазақстанда бочча спорты қарқынды дамып келе жатқанын тілге тиек етті. Өңірлерде жаңа филиалдардың ашылуы және ата-аналар мен спортшылар қызығушылығының артуы аталған спорт түрінің қоғамдағы маңызын айшықтай түседі. Мәулен Әшімбаев боччаның дамуы мен паралимпиадашылар шеберлігінің өсуі спорттың біріктіруші күш екенін және инклюзивті қоғам идеясының өміршеңдігін көрсететінін атап өтті.

Биыл боччадан ашық республикалық турнир аясында алғаш рет өнер және медиа саласының белгілі өкілдері қатысқан инклюзивті «Жұлдыздар турнирі» ұйымдастырылғанын айта кеткен жөн.

« Жыл сайын бочча жарысына қатысушылар саны артып келе жатқанын қуана атап өткім келеді. Биылғы турнирге еліміздің 13 өңірінен келген 120-ға жуық параспортшы қатысты. Бұл боччаның Қазақстан спортында өзіндік орны бар екенін көрсетеді. Бүгінгі турнирге дарынды параспортшылармен бірге белгілі азаматтардың да қатысуы соған дәлел. Өнер жұлдыздары мен медиа саласының өкілдері алаңға шығып, боччаның әркімге қолжетімді спорт екенін көрсетіп берді. Осы жерге келуіміздегі басты мақсат – ерекше қажеттілігі бар спортшыларға қолдау көрсету. Бұл турнир асқақ рухты, өзара қолдауды және бірлікті дәріптейтін нағыз мерекеге айналды », – деді Мәулен Әшімбаев.

Сонымен қатар Сенат Төрағасы 19 наурыз күні «ЕРЕКШЕ» атты фильм қалың көрерменге жол тартатынын хабарлады. Ол адамның табандылығы мен мүмкіндіктері туралы оқиғалар баяндалатын туынды қоғамда паралимпиадалық спорттың маңызын насихаттауға оң ықпал ететініне сенім білдірді.

« Жуырда, 19 наурыз күні еліміздің барлық кинотеатрында бочча спортына арналған «ЕРЕКШЕ» атты фильмнің премьерасы өтеді. Бұл – берік рух пен адамгершілік туралы әсерлі оқиға. Фильм көрерменді жігерлендіріп, қоғамның паралимпиадалық спорт әлеміне жаңа көзқараспен қарауына жол ашады деп сенеміз. Осы орайда параспортшыларға және осындай маңызды әлеуметтік бастамаларға қолдау көрсеткені үшін «Kinopark» кинотеатрлар желісінің басшысы Алмаз Малдыбаевқа алғыс білдіреміз », – деді Сенат Төрағасы.

Ұйымдастырушылардың айтуынша, бочча – тек спорттық ойын емес. Ол – ең алдымен, мүгедектігі бар балалар мен ересектердің оңалуына және қоғамға бейімделуіне мүмкіндік беретін маңызды тетік. Тұрақты жаттығулар спортшылардың физикалық дайындығын арттырып, қимыл-қозғалыс дағдылары мен логикалық ойлау қабілетін дамытады. Бүгінде бочча мүгедектігі бар балалар мен ересектер арасында кең таралған әрі қолжетімді паралимпиадалық спорт түрінің біріне айналып отыр.

Биылғы турнир бағдарламасына жеке жарыстармен қатар командалық және жұптық бәсекелер де енгізілді.

Турнир қорытындысы бойынша командалық жарыста бірінші орынды Астана қаласының құрамасы (Итиана Шингисханова, Ерхат Алмат, Меруерт Тілебалды) иеленді. Екінші орын Павлодар облысынан келген командаға (Виктор Кожевников, Ульяна Куликова, Александр Курмантаев) бұйырса, үшінші орынға Алматы қаласының спортшылары (Алина Карамышева, Георгий Павленко, Эльдар Гребнев) табан тіреді.

ВС3 санатындағы жұптық жарыста бірінші орынды Жамбыл облысы мен Астана қаласының атлеттері (Дилафруз Махмаддулоева, Темірлан Алтынсары) жеңіп алды. Екінші орыннан Алматы қаласының жұбы (Мирон Спириков, Айсұлтан Мұхан) көрінсе, үздік үштікті Жамбыл және Алматы облыстарының спортшылары (Андрей Агапов, Назгүл Исакова) түйіндеді.

Сондай-ақ ВС4 санатындағы жұптық жарыста Алматы қаласының спортшылары (Эльмира Мусралиева, Азамат Аязбаев) жеңімпаз атанды. Екінші орын Жамбыл және Маңғыстау облыстарының жұбына (Әйгерім Тынысбаева, Тәттімбет Теңелгенов) бұйырды.

Айта кетейік, ашық республикалық турнир 2-6 наурыз аралығында Астанадағы Инклюзивті спорт орталығында өтті. Оған Қазақстанның 13 өңірінен келген 119 спортшы қатысты. Олардың қатарында Астана, Алматы, Шымкент қалаларының, сондай-ақ, Қостанай, Жамбыл, Павлодар, Ақтөбе, Қарағанды, Маңғыстау, Ұлытау, Жетісу және Абай облыстарының өкілдері бар.

Жарыс Қазақстан бочча федерациясының бастамасымен, Астана қаласы әкімдігінің және серіктестер мен демеушілердің қолдауымен ұйымдастырылды. Іс-шараның басты мақсаты елімізде паралимпиадалық қозғалысты дамыту, мүгедектігі бар азаматтардың спортпен айналысу мүмкіндігін кеңейту және инклюзивті қоғам қағидаттарын ілгерілету екенін атап өткен жөн.

(Сенаттың Баспасөз қызметі, 74-72-27. Суретті түсірген: А.Байжұманов )

Today, the results of the open national boccia tournament, dedicated to the memory of the first coach, Sultanbek Orynbasarov, were announced. The awards ceremony, held in the new Inclusive Sports Center in the capital, was attended by Maulen Ashimbayev, Speaker of the Senate of the Parliament and President of the Kazakhstan Boccia Federation. For the first time, the traditional sporting event also included a celebrity tournament featuring cultural and media personalities.

Welcoming the para-athletes, Maulen Ashimbayev recognized the contributions of the first boccia coach, Sultanbek Orynbasarov, to the development of a Paralympic sport for people with special needs. It was he who first believed in the potential of children with disabilities, becoming a true guide to their achievements. The President of the Kazakhstan Boccia Federation emphasized the importance of further building an inclusive society, emphasizing that this issue is a priority for Head of State Kassym-Jomart Tokayev.

"President Kassym-Jomart Kemelevich Tokayev has always paid special attention to the development of sport and highly values its importance to society. The head of state consistently emphasizes the importance of building a society in which every citizen has equal opportunities. This principle is also central to the draft new Constitution. Today, thanks to the President's support, parasport is actively developing in Kazakhstan and is becoming a symbol of fortitude and self-confidence. Accordingly, its promotion will continue, creating the conditions for exceptional athletes," the Senate Speaker said in his speech.

Today, boccia in Kazakhstan, as the Federation President noted, is experiencing a real boom: new regional branches are opening, and interest from parents and athletes themselves proves that this sport is vital to society. Maulen Ashimbayev emphasized that the dynamic development of this sport and the growing skill of Paralympians are a shining example of the unifying power of sport and the triumph of the ideas of an inclusive society.

It was noted that for the first time this year, an inclusive "Celebrity Tournament" was held as part of the Open Republican Boccia Tournament, featuring cultural stars and media personalities.

"Every year, we have watched with joy and inspiration as the number of boccia competitors has grown. This year's tournament brought together approximately 120 para-athletes from 13 regions of the country. This demonstrates the importance of boccia in Kazakhstan's sporting life. I would especially like to note that this tournament featured not only our talented para-athletes but also our celebrities. Stars of the stage and media personalities took to the court to demonstrate that boccia is accessible to everyone. We all gathered to express our support for these exceptional athletes. This tournament has become a true celebration of fortitude, mutual support, and unity," said Maulen Ashimbayev, addressing the para-athletes, and thanked the parents, coaches, and organizers for hosting the tournament.

In this vein, Maulen Ashimbayev also announced the premiere of the film "EREKSHE," which will take place on March 19. According to him, this film about the strength of spirit and limitless human potential is intended to inspire thousands of viewers and change the public perception of Paralympic sports.

"Very soon, on March 19, the premiere of the film "EREKSHE," dedicated to boccia, will take place in cinemas across the country. It is a touching story about fortitude and kindness. We are confident that the film will inspire thousands of viewers and allow society to take a fresh look at the world of Paralympic sports. In this regard, we express our sincere gratitude to Almaz Maldybaev, head of the Kinopark cinema chain, for his support of para-athletes and his attention to such important social initiatives," the Senate Speaker concluded.

According to the organizers, boccia is not only a sport, but, above all, an opportunity for rehabilitation and socialization for children and adults with disabilities. Through training, participants develop physical fitness, motor skills, and logical thinking. Today, boccia has become one of the most popular and accessible Paralympic sports for children and adults with disabilities.

This year's tournament program included team and pairs competitions in addition to individual competitions.

At the end of the tournament, the Astana team (Itiana Shingiskhanova, Erkhat Almat, and Meruert Tlebaldy) shared first place in the team competition . The Pavlodar region team (Viktor Kozhevnikov, Ulyana Kulikova, and Alexander Kurmantayev) took second place, and the Almaty team (Alina Karamysheva, Georgy Pavlenko, and Eldar Grebnev) took third place.

In the BC3 class pairs competition, the team from Zhambyl Oblast and Astana (Dilafruz Makhmadduloeva, Temirlan Altynsary) took first place, Almaty (Miroun Spirikov, Aisultan Mukhan) took second place, and the team from Zhambyl and Almaty Oblasts (Andrey Agapov, Nazgul Isakova) took third place.

In the BC4 class pairs competition , athletes from Almaty (Elmira Musraliyeva, Azamat Ayazbayev) won, while the pairs team from Zhambyl and Mangystau Oblasts (Aigerim Tynysbaeva, Tattimbet Tenelgenov) took second place.

The open national boccia tournament was held at the Inclusive Sports Center in Astana from March 2 to 6. 119 athletes from 13 regions of Kazakhstan, including the cities of Astana, Almaty, and Shymkent, as well as the Kostanay, Zhambyl, Pavlodar, Aktobe, Karaganda, Mangystau, Ulytau, Zhetysu, and Abay regions.

The tournament is organized by the Kazakhstan Boccia Federation with the support of the Astana City Akimat and other partners and sponsors with the aim of developing the Paralympic movement in the country, expanding sports opportunities for people with disabilities, and promoting the principles of an inclusive society.

(Press department of the Senate, 74-72-27. Photo – A. Ba y zhumanov)