Пакет международных договоров и соглашений ратифицировал Сенат

Парламент Сенатының Төрағасы Мәулен Әшімбаевтың төрағалығымен Палата отырысы өтті. Іс-шарада күн тәртібіне шығарылған бірқатар заң қаралып, депутаттық сауалдар жарияланды.

Отырыс барысында депутаттар «Қазақстан Республикасы мен Тәжікстан Республикасы арасындағы одақтастық қатынастар туралы шартты ратификациялау туралы» және «Қазақстан Республикасы мен Ұлыбритания және Солтүстік Ирландия Құрама Корольдігі арасындағы стратегиялық әріптестік пен ынтымақтастық туралы келісімді ратификациялау туралы» заңдарды қарап, мақұлдады.

«Қазақстан халықаралық аренада көпвекторлы, сындарлы және белсенді саясат жүргізіп келеді. Бүгін мақұлданған заңдар елімізді бейбітсүйгіш әрі ашық мемлекет ретінде айқындайтын маңызды халықаралық құжаттар топтамасын толықтырып отыр. Атап айтқанда, бауырлас Тәжікстан елімен одақтастық байланысымыз жаңа сапалы деңгейге көтерілді. Сондай-ақ Біріккен Корольдікпен қатынастарымыз да стратегиялық сипатқа ие болды. Алдағы уақытта бұл құжаттар аталған елдермен ынтымақтастықты одан әрі нығайтуға тың серпін береді деп сенеміз», – деді Мәулен Әшімбаев.

Қазақстан мен Тәжікстан арасындағы одақтастық қатынастар туралы шартты ратификациялау саяси диалогты одан әрі дамытуға, қауіпсіздікті қамтамасыз ету саласындағы өзара іс-қимылды арттыруға және екі мемлекеттің орнықты дамуын қамтамасыз етуге бағытталған. Шарт қазіргі сын-қатерлерге бірлесіп қарсы тұруды, әскери-техникалық ынтымақтастықты дамыту арқылы өңірлік қауіпсіздікті нығайту көздейді. Сауда-экономикалық және кәсіпкерлік қызмет үшін қолайлы жағдайлар жасау да назарға алынған. Орталық Азия елдерінің мүдделер теңгерімі негізінде су ресурстарын тиімді пайдалану да басты басымдықтардың бірі болып қала береді.

Сонымен қатар отырыста аталып өткендей, «Қазақстан Республикасы мен Ұлыбритания және Солтүстік Ирландия Құрама Корольдігі арасындағы стратегиялық әріптестік пен ынтымақтастық туралы келісімді ратификациялау туралы» заңда құқықтық ынтымақтастыққа, бірлескен білім беру бағдарламаларын іске асыруға және өзге де салаларға ерекше назар аударылған. Нақты айтқанда, британдық жоғары оқу орындарының филиалдарын ашу, студенттер мен оқытушылар алмасуды кеңейту, экология, «жасыл» экономика және климаттың өзгеруіне бейімделу бағыттарындағы серіктестікті дамыту тетіктері көзделген.

Палата отырысында сенаторлар өздерінің депутаттық сауалдарын да жолдады.

Сүйіндік Алдашев «Қорғас» шекара маңы кластерінің жұмысындағы мәселелерге назар аударып, оларды шешуге арналған бірқатар бастама ұсынды. Бұл шаралар елдің транзиттік әлеуетін арттыруға және Қазақстанның өңірдегі негізгі логистикалық хаб ретіндегі позициясын нығайтуға бағытталған.

Амангелді Есбай көру қабілеті әлсіз балаларға арналған білім беру жүйесін бейімдеу мәселесін көтеріп, бірыңғай стандарттар енгізуді, мектептерді арнайы материалдармен және жабдықтармен қамтамасыз етуді ұсынды. Сондай-ақ ол көру жүктемесін бақылауды күшейту және тифлопедагогтар, психологтар, дефектологтар сияқты бейінді мамандар даярлау қажет екеніне тоқталды.

Бибігүл Жексенбай Үкіметті цифрлық қызметтер арқылы такси және жеткізу салаларында еңбек ететін жұмысшылардың құқықтарын қорғауды күшейтуге шақырды. Осы мақсатпен платформалық жұмыспен қамтуды құқықтық реттеудің жүйелі заңнамалық және әкімшілік шараларын енгізуді ұсынды.

(Сенаттың Баспасөз қызметі, 74-72-27. Суретті түсірген: Н.Байбулин)

Chaired by Speaker of the Senate of the Parliament of the Republic of Kazakhstan Maulen Ashimbayev, a meeting of the Chamber was held, during which a number of laws were considered and parliamentary inquiries were voiced.

During the meeting, deputies reviewed and approved the Laws of the Republic of Kazakhstan "On the Ratification of the Treaty on Alliance Relations between the Republic of Kazakhstan and the Republic of Tajikistan" and "On the Ratification of the Agreement on Strategic Partnership and Cooperation between the Republic of Kazakhstan and the United Kingdom of Great Britain and Northern Ireland."

"Kazakhstan is pursuing a proactive and multi-vector foreign policy. The laws approved today will expand the list of international instruments confirming our country's status as an open and peace-loving state and a reliable global partner. In particular, our allied relations with brotherly Tajikistan are reaching a qualitatively new level, and cooperation with the United Kingdom has acquired a strategic nature. We are confident that these agreements will provide a powerful impetus to our cooperation in all key areas," said Maulen Ashimbayev.

Thus, the ratification of the Treaty on Alliance Relations between Kazakhstan and Tajikistan is aimed at further developing political dialogue, security cooperation, and the sustainable development of the two states. The treaty provides for strengthening regional security by countering modern threats and developing military-technical cooperation, as well as creating favorable conditions for trade, economic, and entrepreneurial activity. A key aspect remains the rational use of Central Asia's water resources based on a balance of interests among all countries in the region.

At the same time, as noted at the meeting, the Law of the Republic of Kazakhstan "On Ratification of the Agreement on Strategic Partnership and Cooperation between the Republic of Kazakhstan and the United Kingdom of Great Britain and Northern Ireland" places special emphasis on legal cooperation, the implementation of joint educational programs, and other areas. This includes opening branches of British higher education institutions, expanding student and faculty exchanges, and partnering in the areas of ecology, the green economy, and adaptation to climate change.

Furthermore, the senators voiced their parliamentary inquiries.

Suindik Aldashev identified problems in the Khorgos border cluster and outlined a number of initiatives to address them. These measures are intended to increase the country's transit potential and strengthen Kazakhstan's position as a key logistics hub in the region.

Amangeldy Esbay proposed adapting education for visually impaired children by implementing uniform standards and providing schools with specialized materials and equipment. He also outlined the need to strengthen monitoring of visual strain and train specialized specialists, including visual impairment teachers, psychologists, and special education teachers.

Bibigul Zheksenbay called on the government to strengthen the protection of the rights of taxi and delivery service workers operating through digital services. It is proposed to introduce systemic legislative and administrative measures to regulate platform employment.

(Press Office of the Senate, 74-72-27. Photo by: N.Baibullin)