Выступление Председателя партии «Әділет» Айбек Дадебай на III внеочередном Съезде

<p>Әрбір саяси партияның тарихында оның тағдырын айқындайтын ерекше сәттер болады. Бүгінгі съезд – дәл сондай тарихи белес. </p><p>Біз Сіздермен бірге қысқа уақыт ішінде Қазақстанның саяси алаңын түбегейлі өзгерттік. Қоғамдық өмірде саяси серпін, қуатты қозғалыс, әділетті талап, өрелі талғам пайда болды. Сол арқылы қоғамдық өмірге тың көзқарас, жаңа саяси мәдениет пен Ел үшін атқарылатын қызметтің өркенді өнегесін, жаңа өмір сапасын орнықтыруға бекіндік. Біздің әр қадамымыз – Әділетті Қазақстанға бастаған осы биік мақсаттағы нақты да батыл шешімдер екеніне еш күмән болмаса керек. Біздің бәрімізді осы ұлы мақсат біріктіріп, жарқын келешекке қанаттандыра түсетініне сенімім мол.</p><p>Бүгінгі съезд қатардағы ұйымдастырушылық жиын емес. Бұл – жаңа Конституция күшіне енгеннен кейінгі Қазақстанның жаңа саяси дәуіріндегі алғашқы ірі, аса маңызды саяси оқиғалардың бірі.</p><p>Биылғы жылдың 1 шілдесінен бастап Қазақстан жаңа Конституциялық дәуірге қадам басты. Бұл Конституция мемлекеттік құрылысты заман талабына сай өзгерткен құқықтық іргетасқа, тәуелсіз Қазақстан дамуының өзгеше дәуірін айқындаған тарихи таңдауға айналды. Ол азамат пен мемлекет арасындағы қоғамдық келісімді үйлесімді негізде қайта орнықтырып, әділеттілікке, заң үстемдігіне, адамның қадір-қасиетіне және жауапты мемлекеттік басқаруға сүйенетін тың саяси жүйенің негізін қалады. </p><p></p><p>Уважаемые друзья!</p><p>С 1 июля Казахстан живет по новой Конституции. </p><p>Это не просто новый Основной Закон. Это новая система координат для государства. Это новый общественный договор.</p><p>Теперь главная задача – наполнить их реальным содержанием. Именно это мы считаем своей политической миссией. </p><p>Партия «Әділет» считает своей главной исторической миссией превратить ценности и принципы новой Конституции в ответственную политику, созидательные реформы и ощутимые для каждого гражданина результаты. </p><p>Мы твердо убеждены, что именно «Әділет» станет одной из ведущих политических сил, призванных воплотить в жизнь идеалы новой Конституции и обеспечить успешное развитие Казахстана в новую конституционную эпоху.</p><p></p><p>Конституция біздің береке-бірлік пен ортақ мүддеге ұйыған, бейбіт жолды қалайтын, адам мен оның өмірін </p><p>ең қымбат құндылық санайтын, өркениетке ұмтылған мемлекет болатынымызды анықтап берді. Ендігі басты міндет – жаңа Конституцияның алтын өзегі болып отырған осы қағидаларды күнделікті өмірдің өмір салтына айналдыру. Әділетті сот, тиімді мемлекет, адал экономика, жауапты азаматтық қоғам, еңбек пен білім жоғары бағаланатын орта – мұның бәрі Конституцияның өмірдегі көрінісі болуы тиіс. </p><p>Осы тарихи өзгерістердің табысты жүзеге асуы саяси партиялардың да жаңа жауапкершілігін талап етеді. </p><p>«Әділет» партиясы міне, осы тарихи міндетті жүзеге асыратын саяси күштердің бірі ғана емес, бірегейі болатындығына біз кәміл сенеміз.</p><p>Бүгінгі съезд осы миссияны іске асырудағы маңызды оқиға. Мұнда қабылданған шешімдер бір ғана партияның алдағы бес жылдағы бағытын айқындап қоймайды. </p><p>Олар еліміздің жаңа дәуірдегі саяси бағыт-бағдарын, тұжырымдамалық мақсат-мұратын, мемлекет пен қоғамның үйлесімді даму жолын айқындайтын ортақ ұстанымды білдіреді. </p><p>Жаңа ғана толықтырылып жаңартылған «Әділет» партиясының Жарғысы, қабылданған сайлауалды бағдарламасы, бекітілген партиялық тізім, осында айтылған ой-тұжырымдар мен ұсыныс-тілектер халқымыздың сенімінен шығатын нақты іске айналуы тиіс. Сондықтан бүгінгі съездің жауапкершілігі де, тарихи маңызы да ерекше.</p><p></p><p>Қадірлі әріптестер! </p><p>Партия болмысын ұрандар емес, оның іс-қимыл жоспарынан құралған бағдарламасы айқындайды.</p><p>Бүгін біз Қазақстанның алдағы 5 жылдық келешегінің келбетін сипаттаған сайлауалды бағдарламамызды қабылдадық. </p><p>Біз үшін партияның бұл тұжырымдамалық құжаты – әсте жалаң уәделер емес. Бұл – жаңа кезеңде іске асатын жұмыстың ауқымын, сапасы мен сипатын анықтайтын кешенді іс-қимыл жоспары. Билікке ұмтылған кез келген саяси күш ең алдымен «біз елді қайда бастаймыз және оған қалай жетеміз?» деген сұраққа жауап беруі тиіс. Бүгін ұсынылып, Сіздер қолдаған бағдарлама дәл осы сұрақтарға толық жауап береді деп санаймыз. </p><p></p><p>Утвержденная сегодня предвыборная программа партии была написана не в кабинетной тишине. В ее основу легли стратегические инициативы Президента Республики Казахстан Касым-Жомарта Кемелевича Токаева, результаты социальных исследований и многочисленных стратегических сессий, проведенных партией «Әділет», предложения и мнения граждан, рекомендации ведущих экспертов, а главное – повседневные запросы, ожидания и чаяния простых людей. Из тысяч предложений были отобраны наиболее значимые решения стратегического характера. </p><p>Главная особенность нашей программы заключается в том, что она ориентирована не на государственный аппарат, а на гражданина. В центре каждого ее раздела находится конкретный человек, его жизнь, интересы, надежды и потребности. Молодая семья, мечтающая о собственном жилье и месте в детском саду для своего ребенка. Предприниматель, рассчитывающий на справедливый суд и равные правила игры. Молодой специалист, ищущий достойную работу. Пенсионер, нуждающийся в качественной медицинской помощи. Труженик села и его семья – именно эти люди являются главными героями нашей программы. Потому что истинная сила государства определяется не экономическими показателями, а прежде всего качеством жизни его граждан.</p><p></p><p>Тағы бір маңызды ерекшелік – бұл бағдарламаның нақты нәтижеге бағытталуы. Жалпы сөзден саналы түрде бас тарттық. Оның орнына нақты мақсаттарды белгіледік. </p><p>Орта бизнестің үлесін арттыру, бір миллион сапалы жұмыс орнын құру, тұрғын үймен қамтуды ұлғайту, сапалы білім мен денсаулық сақтауды қолжетімді ету, өмір сүру ұзақтығын арттыру, жасанды интеллект дағдыларын миллиондаған азаматқа үйрету сияқты күнделікті өмірмен өлшенетін міндеттер қойылды. Өмірмен өлшенген мақсат – орындалатын міндеттің ең басты алғышарты, берік тұғыры.</p><p>Сонымен бірге, бұл бағдарлама мемлекеттің азаматқа не беретіндігі туралы ғана емес. Бұл – қоғамның да жауапкершілігін анықтайтын құжат. Әділ мемлекет әділетті қоғамсыз құрылмайды. Заңға бағынатын азаматсыз заң үстемдігі орнай алмайды. Еңбекқор адамсыз қуатты экономика қалыптаспайды. Білімге ұмтылмаған қоғам инновациялық мемлекетке айналмайды. Өз елінің болашағына жауапкершілікпен қарамаған халықтың ертеңі баянды болуы екіталай. </p><p>Сондықтан біз қабылдаған бағдарламаның түпкі идеясы – мемлекет пен қоғам және жеке азаматтың жаңа үйлесімді серіктестігі.</p><p>Бағдарлама дайындап, қабылдау – үлкен жұмыстың бастауы ғана. Бұл құжатқа дауыс беру арқылы біз оның әрбір тармағының орындалуына жеке жауапкершілік аламыз.</p><p>Ендігі жерде жұмысымыздың өлшемі – сөйлеген сөз емес, атқарылған іс болады. Халық бізді бағдарлама арқылы емес, өзінің күнделікті өміріндегі нақты өзгерістер арқылы бағалайды.</p><p>Елімізде әділ сот пен әділеттілік күшейсе, кәсіп ашып, оны дамыту жеңілдесе, шалғай ауылдағы баланың мүмкіндігі қалада тұратын баламен теңесе, жастар өз болашағын Қазақстанмен байланыстырса – сонда ғана бағдарлама орындалды деген сөз.</p><p>Қарапайым азаматтың әділдікке, мемлекетке деген сенімі артса ғана, біздің партия өзінің тарихи миссиясын орындағаны.</p><p>Сондықтан бүгін қабылданатын бағдарлама «Әділет» партиясының Қазақстан халқына беретін бес жылдық жария міндеттемесі. Партияның бар бедел-биігі осы бағдарламаның орындалуымен өлшенеді. Сондықтан халық сеніміне ие болу үшін бар күш-жігерімізді салуға тиістіміз!</p><p></p><p>Қадірлі делегаттар!</p><p>Осы съезде біз халқымыздың сеніміне ие болуға ұмтылатын партиялық тізімді бекіттік. Бұл тізімге халқымыздың бетке ұстар игі жақсылары, әр саладағы ең тәжірибелі де білікті мамандар, өз бойындағы қабілеті, білім-білігі мен еңбегі арқылы абыройға ие болған, көпшілік құрметіне бөленіп, ортасы мойындаған қайраткер тұлғалар енді. Жас, білімді де білікті, кәсіби деңгейі биік осы орта жаңа дәуірге қажет қарқынды істің, салиқалы шешімдердің негізі болады деп сенеміз. </p><p>Алдағы саяси додада партияның сөзін ұстайтын, елді партия бағдарламасына сендіре білетін, қажет кезінде ұтымды шешім қабылдайтын да осы азаматтар. Олай болса, келе жатқан саяси додада таңдаулы топқа сәттілік тілейміз! </p><p></p><p>Дорогие делегаты съезда!</p><p>Новая Конституция открыла Казахстану новые возможности. Теперь главное — как мы ими воспользуемся. Страну меняют люди — их идеи, ответственность, труд и готовность служить своему народу.</p><p>Сегодня мы сформировали команду кандидатов, готовых взять на себя эту ответственность и представлять партию «Әділет» на предстоящих выборах.</p><p>Вместе с вами мы выбрали команду единомышленников, которые готовы работать. Не обещать. Не искать виноватых. Не жить прошлым. А строить будущее.</p><p></p><p>Құрметті ағайын!</p><p>Алдымызда үлкен саяси дода. 23 шілдеде сайлауалды үгіт-насихат жұмысы басталады. 23 тамызда халқымыз өз таңдауын жасайды.</p><p>Бұл бір партияның тағдыры ғана шешілетін сәт емес. </p><p>Бұл – Қазақстанның келесі даму кезеңіне кімнің қандай идеямен баратынын анықтайтын айдарлы күн.</p><p>Біз еліміздің түкпір-түкпіріндегі ауылдарды, шалғайдағы елді-мекендерді жалықпай аралап, бағдарламамыз бен ұстанымымызды әр азаматтың жүрегіне жеткізуіміз қажет. </p><p>Әр адамның риясыз сенімі мен саналы таңдауы біз үшін ең басты құндылық. </p><p>Сөз жоқ, Тәуелсіздік жылдары Қазақстан бұрын-соңды болып көрмеген ұлы өзгерістерден өтті. Бірақ өмір бір орында тұрмайды. Біздің мақсатымыз – алдыңғы ұрпақтың өнегесін алып, жақсы істерін жалғастыра отырып, бүгінгі заманға сай, әлемдік бәсекеге қабілетті, әр азамат мақтан тұтатын табысты мемлекет құру.</p><p>Біз Қазақстанның бұдан да жарқын, жаңа дәуіріне сенеміз.</p><p></p><p>Мы идем на выборы не ради мандатов. Мы идем на выборы ради перемен. Ради сильного государства. </p><p>Ради справедливой экономики. Ради общества, где честный труд ценится выше связей, знания – выше громких слов, а закон – выше любых интересов.</p><p></p><p>Мен бүгін осы съезге қатысқан барлық делегаттарға, бағдарламаны әзірлеген сарапшыларға, еліміздің түкпір-түкпірінен келген партия мүшелеріне, барша қолдаушыларымызға шынайы ризашылығымды білдіремін!</p><p>Егер халқымыз береке-бірлікке ұйыса, әділет жолын таңдаса – Қазақстанның алмайтын асуы жоқ, бағындырмайтын биігі жоқ.</p><p>«Әділет» партиясы – жаңа кезеңдегі, жаңаша дамудың саяси тірегі болуға дайын. Ендеше, бәріміз бірге, Әділетті Қазақстан үшін еңбек етейік!</p><p></p><p>Мы верим в Справедливый Казахстан! </p><p>Верим, что наша страна способна стать одной из самых успешных стран мира. </p><p></p><p><strong>Әділетті Қазақстан жасасын!</strong></p><p><strong>Халқымыздың береке-бірлігі арта берсін!</strong></p><p><strong>Алға, Қазақстан! Алға, «Әділет»!</strong></p>