Спикер Сената принял участие в церемонии вручения дипломов выпускникам университета

Парламент Сенатының Төрағасы Мәулен Әшімбаев университет түлектеріне диплом тапсыруға арналған салтанатты рәсімге қатысты.

Палата Спикері жас мамандарды құттықтай келе, Мемлекет басшысының бастамасымен елімізде ауқымды жаңғыру үдерістері жүзеге асырылып жатқанын атап өтті. Кешенді жұмыстың дәйекті жалғасы ретінде конституциялық реформа жүргізіліп, жаңа Конституция қабылданды. Бұл – Қазақстан тарихындағы маңызды оқиға, мемлекеттің ұзақ мерзімді тұрақтылығының берік негізі және жаһандық сын-қатерлерге уақтылы берілген жауап.

Сондай-ақ елді жаңғырту және саяси жүйені кешенді түрде реформалау жолында заңнамалық бастамаларды қамтамасыз етумен қатар, білікті әрі жауапты мамандардың да рөлі ерекше екеніне баса мән берілді. Жаһандық технологиялық және әлеуметтік трансформациялар дәуірінде жаңғыру миссиясы негізінен жас буынға жүктеледі. Сондықтан Мәулен Әшімбаев еліміздегі жетекші жоғары оқу орындарының бірінің дипломы – жоғары білім алғанын растайтын құжат қана емес, қоғам алдындағы үлкен жауапкершілік екенін айтты.

«Жаңа Конституцияны қабылдау арқылы еліміз саяси, экономикалық және әлеуметтік дамудың жаңа кезеңіне қадам басты. Президентіміз Қасым-Жомарт Кемелұлы Тоқаевтың Әділетті және Прогрессивті Қазақстан құруға бағытталған саяси бағдары – ұзақмерзімді реформалар бағдарламасы. Ол экономиканы әртараптандыру, мемлекеттік басқару институттарын нығайту, ғылым мен білімге, бизнес пен азаматтық қоғамға қолдау көрсету сияқты маңызды міндеттерді шешу үшін бүкіл қоғамның жұмылуын және белсенді қатысуын талап етеді. Осы үдеріске сіздердің университеттеріңіздің түлектері қазірдің өзінде елеулі үлес қосып келеді. Қазақстандағы алғашқы технологиялық unicorn компания – Higgsfield AI соның жарқын көрінісі. Аталған компания командасының 90 пайызы – NU түлектері. Бұл – еліміздің адам капиталының жоғары бәсекеге қабілетті және университеттік ортаның сапалы деңгейде екенінің айқын дәлелі», – деді Мәулен Әшімбаев.

Сенат Төрағасы өз сөзінде NU университеті отандық ғылымды, инновацияларды және адам капиталын дамыту жолында маңызды рөл атқаратынын атап өтті. Сондай-ақ ол университет өзінің басты миссиясын нәтижелі жүзеге асырып келе жатқанына назар аударып, аталған оқу орны Қазақстанда озық зерттеу мәдениетін қалыптастыруға, заманауи академиялық стандарттарды енгізуге және еліміздің жоғары білім беру жүйесін жаңғыртуға үлкен ықпалын тигізіп отырғанын тілге тиек етті.

Салтанатты рәсім барысында Мәулен Әшімбаев жас мамандарға өмірлік бағдар болатын маңызды бағыттарға да тоқталып өтті. Бұл орайда Сенат Төрағасы кәсіби біліктілік, дұрыс құндылықтар және үздіксіз өзін-өзі жетілдіру табысты мансаптың негізі екенін айтты.

(Сенаттың Баспасөз қызметі, 74-72-27. Суретті түсірген: Н.Байбулин)

Speaker of the Senate of the Parliament Maulen Ashimbayev took part in the graduation ceremony for university graduates.

Welcoming the young professionals, the Senate Speaker emphasized that, at the initiative of the Head of State, large-scale reforms are being implemented in the country, the logical continuation of which is the constitutional reform. The adoption of the new Constitution is a historic event for Kazakhstan – the foundation for the state's long-term stability and a timely response to global challenges.

At the same time, competent and responsible professionals are crucial for the renewal of the country and the comprehensive reboot of the political system, along with legislative support for these initiatives. In an era of global technological and social transformation, the younger generation is charged with the task of modernization. Therefore, according to Maulen Ashimbayev, a diploma from one of the country's leading universities is not simply a certificate of higher education, but a profound responsibility to society.

"With the adoption of the new Constitution, our country has entered a new stage of its political, economic, and social development. President Kassym-Jomart Tokayev's commitment to building a Just and Progressive Kazakhstan is a long-term reform program. It requires the unification and participation of all of society to address such challenges as economic diversification, strengthening public administration institutions, supporting science and education, business, and civil society. Graduates of your university are already making a significant contribution to these processes. A prime example is Higgsfield AI, Kazakhstan's first tech unicorn, whose team is 90 percent comprised of NU alumni. This is direct evidence of the highly competitive nature of our human capital and the quality of our university environment," Maulen Ashimbayev emphasized in his speech.

The Senate Chairman noted NU's key role in the development of domestic science, innovation, and human capital. He emphasized that the university is successfully fulfilling its primary mission: creating an advanced research culture in Kazakhstan, implementing modern academic standards, and transforming the country's entire higher education system.

During the graduation ceremony, Maulen Ashimbayev also outlined key guidelines for the next generation of specialists. The speaker emphasized that the foundation of a successful career is the synergy of professional competencies, strong values, and continuous self-improvement.

(Press Office of the Senate, 74-72-27. Photo by: N.Baibullin)